jaan kar us pe dil-o-jaan hain haare humne

jaan kar us pe dil-o-jān haiñ haare ham ne

'ishq meñ kar liye haiñ ḳhud hī ḳhasāre ham ne

ham ko mā'lūm hai ehsās-e-judā.ī kyā hai

log kho.e haiñ ka.ī jaan se pyāre ham ne

dil ke bīmāroñ ko samjhānā paḌā hai mahñgā

aur bhaḌkā diye haiñ bujhte sharāre ham ne

sāhib-e-taḳht yuuñ hī ham na hue haiñ logo

bārhā jang ke maidān haiñ haare ham ne

so ga.e bhuuk kī shiddat se shikam thāme ham

vaqt aise bhī ka.ī baar guzāre ham ne

bachpanā lipTā hai paivand lage kapḌoñ meñ

ye hī paa.e haiñ faqat chāñd sitāre ham ne

jaan kar us pe dil-o-jaan hain haare hum ne

'ishq mein kar liye hain KHud hi KHasare hum ne

hum ko ma'lum hai ehsas-e-judai kya hai

log khoe hain kai jaan se pyare hum ne

dil ke bimaron ko samjhana paDa hai mahnga

aur bhaDka diye hain bujhte sharare hum ne

sahib-e-taKHt yun hi hum na hue hain logo

barha jang ke maidan hain haare hum ne

so gae bhuk ki shiddat se shikam thame hum

waqt aise bhi kai bar guzare hum ne

bachpana lipTa hai paiwand lage kapDon mein

ye hi pae hain faqat chand sitare hum ne