jaan se jate rahe jaan se jaana na gaya

jaan se jaate rahe jaan se jaanā na gayā

dil gayā ishq meñ par dil kā lagānā na gayā

maut ke baad bhī ik bojh uThā rakkhā hai

sar to jaanā hī thā par haif ki shānā na gayā

kal farishtoñ ne bahut khīñchā pakaḌ kar dāman

chhoḌ kar tujh ko magar terā divāna na gayā

aaj bhī aa ke vo āñkhoñ meñ chahak uThtā hai

gulshan-e-dil se kabhī terā zamāna na gayā

le ke añgḌā.ī qayāmat ne badal dī duniyā

vaqt ke lab se magar merā fasāna na gayā

is tarah donoñ ta.alluq kā bharam rakhte rahe

rūThnā us kā bhī apnā bhī manānā na gayā

us ke nāḳhūn kī ra.anā.ī batā detī hai

us kī aadat se abhī dil kā dukhānā na gayā

ye alag baat ke qudrat ne palaT dī baazī

faisla ishq ke haq meñ kabhī maanā na gayā

ibtidā se ye hai dastūr zamāne kā 'nadīm'

dil ko samjhā na gayā dard ko jaanā na gayā

jaan se jate rahe jaan se jaana na gaya

dil gaya ishq mein par dil ka lagana na gaya

maut ke baad bhi ek bojh uTha rakkha hai

sar to jaana hi tha par haif ki shana na gaya

kal farishton ne bahut khincha pakaD kar daman

chhoD kar tujh ko magar tera diwana na gaya

aaj bhi aa ke wo aankhon mein chahak uThta hai

gulshan-e-dil se kabhi tera zamana na gaya

le ke angDai qayamat ne badal di duniya

waqt ke lab se magar mera fasana na gaya

is tarah donon talluq ka bharam rakhte rahe

ruThna us ka bhi apna bhi manana na gaya

us ke naKHun ki ranai bata deti hai

us ki aadat se abhi dil ka dukhana na gaya

ye alag baat ke qudrat ne palaT di bazi

faisla ishq ke haq mein kabhi mana na gaya

ibtida se ye hai dastur zamane ka 'nadim'

dil ko samjha na gaya dard ko jaana na gaya