jaan yun hi fana nahin karte

jaan yuuñ hī fanā nahīñ karte

dushmanoñ kā bhalā nahīñ karte

'ādatan jo haiñ vo hī rahte haiñ

log kuchh bhī nayā nahīñ karte

jin kī fitrat meñ bevafā.ī ho

vo kabhī bhī vafā nahīñ karte

taaq pe rakhte haiñ anā tak dil

ham rifāqat ko kyā nahīñ karte

roz khāte haiñ qasmeñ vo ham se

par hamārā kahā nahīñ karte

jo nahīñ mānte ḳhatā apnī

vo kisī ke huā nahīñ karte

ḳhāsiyat hai ye dhoke-bāzoñ kī

sāmne se daġhā nahīñ karte

sach batā kar 'tamām' jhūTe log

jhuuT ko be-maza nahīñ karte

jaan yun hi fana nahin karte

dushmanon ka bhala nahin karte

'adatan jo hain wo hi rahte hain

log kuchh bhi naya nahin karte

jin ki fitrat mein bewafai ho

wo kabhi bhi wafa nahin karte

taq pe rakhte hain ana tak dil

hum rifaqat ko kya nahin karte

roz khate hain qasmen wo hum se

par hamara kaha nahin karte

jo nahin mante KHata apni

wo kisi ke hua nahin karte

KHasiyat hai ye dhoke-bazon ki

samne se dagha nahin karte

sach bata kar 'tamam' jhuTe log

jhuT ko be-maza nahin karte