jaane kab kis ke chhalakne se ho duniya gharq-e-ab

jaane kab kis ke chhalakne se ho duniyā ġharq-e-āb

merī muTThī meñ hai dariyā sāġhar-o-josh-e-shabāb

dīda-o-dil kā piyāla bhī gañvā aa.e mazīd

dīda-e-ḳhammār kī ḳhvāhish meñ ham ḳhāna-ḳharāb

raqs-e-vahshat ke liye koī to mehvar chāhiye

paañv be-zanjīr haiñ aur ḳhema be-chob-o-tanāb

ab se in jang-o-jadal meñ dāna-pānī ke sivā

saath meñ tabl-o-alam ho aur tā.ūs-o-rabāb

merī bātoñ meñ bhī rāz-e-āgahī aa hī gayā

jaise ramz-e-rū-e-jānāñ jaise asrār-e-kitāb

jaane kab kis ke chhalakne se ho duniya gharq-e-ab

meri muTThi mein hai dariya saghar-o-josh-e-shabab

dida-o-dil ka piyala bhi ganwa aae mazid

dida-e-KHammar ki KHwahish mein hum KHana-KHarab

raqs-e-wahshat ke liye koi to mehwar chahiye

panw be-zanjir hain aur KHema be-chob-o-tanab

ab se in jang-o-jadal mein dana-pani ke siwa

sath mein tabl-o-alam ho aur taus-o-rabab

meri baaton mein bhi raaz-e-agahi aa hi gaya

jaise ramz-e-ru-e-jaanan jaise asrar-e-kitab