jaane kaise honge aansu bahte hain to bahne do
jaane kaise hoñge aañsū bahte haiñ to bahne do
bhūlī-bisrī baat purānī kahte haiñ to kahne do
ham banjāroñ ko nā koī bāñdh sakā zanjīroñ meñ
aaj yahāñ kal vahāñ bhaTakte rahte haiñ to rahne do
muflis kī to majbūrī hai sardī garmī bārish kyā
roTī kī ḳhātir saare ġham sahte haiñ to sahne do
apne sukh sañg mere dukh ko saath kahāñ le jāoge
alag alag vo ik duuje se rahte haiñ to rahne do
ḳhuun ġharīboñ kā dāman meñ apne nā lagne deñge
sapnoñ ke gar mahal hamāre Dahte haiñ to Dahne do
pyaar meñ un ke sudh-budh kho kar is tarah behāl hue
log hameñ āshiq āvāra kahte haiñ to kahne do
mast magan ham apnī dhun meñ rahte haiñ dīvānoñ sā
jaane kitne ham ko pāgal kahte haiñ to kahne do
jaane kaise honge aansu bahte hain to bahne do
bhuli-bisri baat purani kahte hain to kahne do
hum banjaron ko na koi bandh saka zanjiron mein
aaj yahan kal wahan bhaTakte rahte hain to rahne do
muflis ki to majburi hai sardi garmi barish kya
roTi ki KHatir sare gham sahte hain to sahne do
apne sukh sang mere dukh ko sath kahan le jaoge
alag alag wo ek duje se rahte hain to rahne do
KHun gharibon ka daman mein apne na lagne denge
sapnon ke gar mahal hamare Dahte hain to Dahne do
pyar mein un ke sudh-budh kho kar is tarah behaal hue
log hamein aashiq aawara kahte hain to kahne do
mast magan hum apni dhun mein rahte hain diwanon sa
jaane kitne hum ko pagal kahte hain to kahne do
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
