jaane kis KHwab ka sayyal nasha hun main bhi
jaane kis ḳhvāb kā sayyāl nasha huuñ maiñ bhī
ujle mausam kī tarah ek fazā huuñ maiñ bhī
haañ dhanak TuuT ke bikhrī thī mire bistar par
ai sukūñ-lams tire saath jiyā huuñ maiñ bhī
raah pāmāl thī chhoḌ aayā huuñ sāthī sote
korī miTTī kā gunahgār huā huuñ maiñ bhī
kitnā sarkash thā havāoñ ne sazā dī kaisī
kaaTh kā murġh huuñ ab bād-numā huuñ maiñ bhī
kaisī bastī hai makīñ jis ke haiñ būḌhe bachche
kyā muqaddar hai kahāñ aa ke rukā huuñ maiñ bhī
ek be-chehra sī maḳhlūq hai chāroñ jānib
aa.ino dekho mujhe masḳh huā huuñ maiñ bhī
haath shamshīr pe hai zehn pas-o-pesh meñ hai
'rāz' kin yāroñ ke mābain khaḌā huuñ maiñ bhī
jaane kis KHwab ka sayyal nasha hun main bhi
ujle mausam ki tarah ek faza hun main bhi
han dhanak TuT ke bikhri thi mere bistar par
ai sukun-lams tere sath jiya hun main bhi
rah pamal thi chhoD aaya hun sathi sote
kori miTTi ka gunahgar hua hun main bhi
kitna sarkash tha hawaon ne saza di kaisi
kaTh ka murgh hun ab baad-numa hun main bhi
kaisi basti hai makin jis ke hain buDhe bachche
kya muqaddar hai kahan aa ke ruka hun main bhi
ek be-chehra si maKHluq hai chaaron jaanib
aaino dekho mujhe masKH hua hun main bhi
hath shamshir pe hai zehn pas-o-pesh mein hai
'raaz' kin yaron ke mabain khaDa hun main bhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
