jaane kis waste dil chashm-e-karam mange hai

jaane kis vāste dil chashm-e-karam māñge hai

zindagī aap se phir dīda-e-nam māñge hai

ham kahāñ jā.eñge ab terī galī se uTh kar

kis kā dil hai jo yahāñ dair-o-haram māñge hai

mujh ko phūloñ kī havas hai na to motī kī talāsh

kāsa-e-chashm mirā dast-e-karam māñge hai

chashm-e-nam ko kisī dāman kī tamannā hī sahī

dil-e-betāb magar aap kā ġham māñge hai

jaane kis vāste ik shaḳhs kī bahkī huī chaal

har-qadam aap ke hī naqsh-e-qadam māñge hai

koī dīvāna tamannāoñ ko zaḳhmī pā kar

zindagī-bhar ke liye ranj-o-alam māñge hai

ā.ina-ḳhānoñ kī yak-rañgī se uktā ke 'ra.īs'

āzar-e-vaqt bhī patthar ke sanam māñge hai

jaane kis waste dil chashm-e-karam mange hai

zindagi aap se phir dida-e-nam mange hai

hum kahan jaenge ab teri gali se uTh kar

kis ka dil hai jo yahan dair-o-haram mange hai

mujh ko phulon ki hawas hai na to moti ki talash

kasa-e-chashm mera dast-e-karam mange hai

chashm-e-nam ko kisi daman ki tamanna hi sahi

dil-e-betab magar aap ka gham mange hai

jaane kis waste ek shaKHs ki bahki hui chaal

har-qadam aap ke hi naqsh-e-qadam mange hai

koi diwana tamannaon ko zaKHmi pa kar

zindagi-bhar ke liye ranj-o-alam mange hai

aaina-KHanon ki yak-rangi se ukta ke 'rais'

aazar-e-waqt bhi patthar ke sanam mange hai