jaane kya chehre ki ab haalat hui

jaane kyā chehre kī ab hālat huī

ā.īna dekhe hue muddat huī

āñsuoñ tak dil ne pahuñchā dī ḳhabar

rāzdārī bā.is-e-shohrat huī

kar liye raushan vahīñ dil ke charāġh

raah meñ haa.il jahāñ zulmat huī

jaam kā kyā zikr TuuTe saaz tak

ik faqīh-e-shahr se hujjat huī

yaad ne har zaḳhm taaza kar diyā

ḳhud ḳhalish apnī jagah lazzat huī

ham rahe bedār un kī yaad meñ

un ko apne ḳhvāb se nisbat huī

pūchhtā thā kaun tere shahr meñ

paañv kī zanjīr se izzat huī

dekh kar un kī navāzish be-karāñ

aaj 'sā.ib' arz kī himmat huī

jaane kya chehre ki ab haalat hui

aaina dekhe hue muddat hui

aansuon tak dil ne pahuncha di KHabar

raazdari bais-e-shohrat hui

kar liye raushan wahin dil ke charagh

rah mein hail jahan zulmat hui

jam ka kya zikr TuTe saz tak

ek faqih-e-shahr se hujjat hui

yaad ne har zaKHm taza kar diya

KHud KHalish apni jagah lazzat hui

hum rahe bedar un ki yaad mein

un ko apne KHwab se nisbat hui

puchhta tha kaun tere shahr mein

panw ki zanjir se izzat hui

dekh kar un ki nawazish be-karan

aaj 'saib' arz ki himmat hui