jaane kyun baaton se jalte hain gile karte hain log
jaane kyuuñ bātoñ se jalte haiñ gile karte haiñ log
terī merī dostī ke tazkire karte haiñ log
sañg-bārī kar rahe haiñ dūsroñ ke sahn meñ
aur chaknā-chūr apne aa.ine karte haiñ log
jin kā da.avā thā mudāvā hogā sab ke dard kā
ab to un kī zaat par bhī tabsire karte haiñ log
apnā ghar raushan ho zulmat meñ rahe saarā jahāñ
jaane kin lamhoñ meñ aise faisle karte haiñ log
har bikhartī rut meñ jaag uThte haiñ yādoñ ke jahāñ
apne apne be-vafāoñ ke gile karte haiñ log
rañg hai be-qaid imkāñ aur ḳhushbū lā-makāñ
is sarāpā rañg-o-nik.hat se gile karte haiñ log
jaane kyun baaton se jalte hain gile karte hain log
teri meri dosti ke tazkire karte hain log
sang-bari kar rahe hain dusron ke sahn mein
aur chakna-chur apne aaine karte hain log
jin ka dawa tha mudawa hoga sab ke dard ka
ab to un ki zat par bhi tabsire karte hain log
apna ghar raushan ho zulmat mein rahe sara jahan
jaane kin lamhon mein aise faisle karte hain log
har bikharti rut mein jag uThte hain yaadon ke jahan
apne apne be-wafaon ke gile karte hain log
rang hai be-qaid imkan aur KHushbu la-makan
is sarapa rang-o-nikhat se gile karte hain log
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
