jaane kyun bhai ka bhai khul ke dushman ho gaya
jaane kyuuñ bhaa.ī kā bhaa.ī khul ke dushman ho gayā
ghar meñ dīvāreñ uThānā ab to fashion ho gayā
ek muflis ko saḌak par gāliyāñ dene ke ba.ad
vo samajhtā hai hamārā naam raushan ho gayā
aaj to aa.e hameñ kis kī qayādat par yaqīñ
kal jo apnā rahnumā thā aaj rahzan ho gayā
dekh kar bachchoñ ko bhī ab yaad aatā hī nahīñ
mahv kuchh aisā hamāre dil se bachpan ho gayā
chhāte chhāte chhā ga.ī fasl-e-bahārāñ par ḳhizāñ
dekhte hī dekhte pāmāl gulshan ho gayā
maiñ ne to haq baat hī muñh se nikālī thī 'vasīm'
jaane kyuuñ saarā zamāna merā dushman ho gayā
jaane kyun bhai ka bhai khul ke dushman ho gaya
ghar mein diwaren uThana ab to fashion ho gaya
ek muflis ko saDak par galiyan dene ke baad
wo samajhta hai hamara nam raushan ho gaya
aaj to aae hamein kis ki qayaadat par yaqin
kal jo apna rahnuma tha aaj rahzan ho gaya
dekh kar bachchon ko bhi ab yaad aata hi nahin
mahw kuchh aisa hamare dil se bachpan ho gaya
chhate chhate chha gai fasl-e-bahaaran par KHizan
dekhte hi dekhte pamal gulshan ho gaya
main ne to haq baat hi munh se nikali thi 'wasim'
jaane kyun sara zamana mera dushman ho gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
