jaane kyun pyas ki chaukhaT pe wo aa baiTha hai
jaane kyuuñ pyaas kī chaukhaT pe vo aa baiThā hai
maiñ ne har gaam nayā abr jise baḳhshā hai
ek lamhe ko bhī muḌ ke nahīñ dekhā us ne
jaane vaale ko bahut duur talak dekhā hai
ḳhaak se paak libādoñ kī mahak aatī hai
qāfila dasht ke āñgan meñ khilā kis kā hai
mo.ajiza us ko hī kahtī hai ye duniyā shāyad
mujh ko ummīd na thī par vo palaT aayā hai
ik nazar maiñ ne jise pyaar se dekhā 'nomān'
vo parinda mirī dahlīz pe aa baiThā hai
jaane kyun pyas ki chaukhaT pe wo aa baiTha hai
main ne har gam naya abr jise baKHsha hai
ek lamhe ko bhi muD ke nahin dekha us ne
jaane wale ko bahut dur talak dekha hai
KHak se pak libaadon ki mahak aati hai
qafila dasht ke aangan mein khila kis ka hai
moajiza us ko hi kahti hai ye duniya shayad
mujh ko ummid na thi par wo palaT aaya hai
ek nazar main ne jise pyar se dekha 'noman'
wo parinda meri dahliz pe aa baiTha hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
