jaane wo chiz kya thi jo chamki zamin par

jaane vo chiiz kyā thī jo chamkī zamīn par

ujle se log aa gire mailī zamīn par

tere liye vo dhuup kā TukḌā rahā rahe

mere liye to aag sī barsī zamīn par

sūraj ne dī jo aag vo sūraj meñ ghol dī

thī raakh is zamīñ kī so rakh dī zamīn par

ye bad-havās jism kisī kaam kā nahīñ

lagtā hai jaise laash ho jaltī zamīn par

ye fāsla nahīñ hai zarūrat kī baat hai

titlī hai phuul par to hai chīñTī zamīn par

pahle pahal to maiñ use shā.ir nahīñ lagā

ab sher kah rahā hai vo merī zamīn par

jaane wo chiz kya thi jo chamki zamin par

ujle se log aa gire maili zamin par

tere liye wo dhup ka TukDa raha rahe

mere liye to aag si barsi zamin par

suraj ne di jo aag wo suraj mein ghol di

thi rakh is zamin ki so rakh di zamin par

ye bad-hawas jism kisi kaam ka nahin

lagta hai jaise lash ho jalti zamin par

ye fasla nahin hai zarurat ki baat hai

titli hai phul par to hai chinTi zamin par

pahle pahal to main use shair nahin laga

ab sher kah raha hai wo meri zamin par