jaanib-e-dasht kabhi tum bhi nikal kar dekho
jānib-e-dasht kabhī tum bhī nikal kar dekho
dosto ābla-pā.ī kā amal kar dekho
merī āshufta-sarī par na hañso ai logo
ishq kī aag meñ ḳhud bhī zarā jal kar dekho
tum jo chāho to mire dil ko sukūñ mil jaa.e
apnā andāz-e-nazar kuchh to badal kar dekho
maiñ tumheñ jiine ke andāz sikhā saktā huuñ
ek do gaam mere saath to chal kar dekho
chāñdnī-rātoñ meñ phirtā hai koī āvāra
tum ko fursat jo mile ghar se nikal kar dekho
fāsle barsoñ ke pal-bhar meñ simaT ā.eñge
aaj kī shab mire pahlū meñ machal kar dekho
us kā chehra hai kisī dasht kā sūraj 'nāsir'
us kī jānib kabhī dekho to sambhal kar dekho
jaanib-e-dasht kabhi tum bhi nikal kar dekho
dosto aabla-pai ka amal kar dekho
meri aashufta-sari par na hanso ai logo
ishq ki aag mein KHud bhi zara jal kar dekho
tum jo chaho to mere dil ko sukun mil jae
apna andaz-e-nazar kuchh to badal kar dekho
main tumhein jine ke andaz sikha sakta hun
ek do gam mere sath to chal kar dekho
chandni-raaton mein phirta hai koi aawara
tum ko fursat jo mile ghar se nikal kar dekho
fasle barson ke pal-bhar mein simaT aaenge
aaj ki shab mere pahlu mein machal kar dekho
us ka chehra hai kisi dasht ka suraj 'nasir'
us ki jaanib kabhi dekho to sambhal kar dekho
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
