jaante the gham tera dariya bhi tha gahra bhi tha

jānte the ġham tirā dariyā bhī thā gahrā bhī thā

Dūbne se peshtar sochā bhī thā samjhā bhī thā

aa.ina ai kaash tū apnā banā letā mujhe

fā.eda is meñ bahut terā bhī thā merā bhī thā

ik azāb-e-jān thī us kī tunak-ḳhūī magar

zā.iqa us dard kā mīThā bhī thā tīkhā bhī thā

kaise paḌh letā maiñ us chehre se apnā hāl-e-dil

vo ruḳh-e-jugnū-sifat jaltā bhī thā bujhtā bhī thā

yuuñ kiyā hai muddatoñ maiñ ne ġhazal kā mashġhala

ek tere naam ko likhtā bhī thā paḌhtā bhī thā

dil kī rāhoñ meñ ba-har-sūrat rahī ik raushnī

chāñd tere dard kā baḌhtā bhī thā ghaTtā bhī thā

ham ne tere aks ko taqsīm kab hone diyā

aa.ina to bārhā TuuTā bhī thā bikhrā bhī thā

jab vo ruḳhsat ho ga.e ham se to yaad aayā hameñ

un se ai 'asrār' kuchh kahnā bhī thā sunñā bhī thā

jaante the gham tera dariya bhi tha gahra bhi tha

Dubne se peshtar socha bhi tha samjha bhi tha

aaina ai kash tu apna bana leta mujhe

faeda is mein bahut tera bhi tha mera bhi tha

ek azab-e-jaan thi us ki tunak-KHui magar

zaiqa us dard ka miTha bhi tha tikha bhi tha

kaise paDh leta main us chehre se apna haal-e-dil

wo ruKH-e-jugnu-sifat jalta bhi tha bujhta bhi tha

yun kiya hai muddaton main ne ghazal ka mashghala

ek tere nam ko likhta bhi tha paDhta bhi tha

dil ki rahon mein ba-har-surat rahi ek raushni

chand tere dard ka baDhta bhi tha ghaTta bhi tha

hum ne tere aks ko taqsim kab hone diya

aaina to barha TuTa bhi tha bikhra bhi tha

jab wo ruKHsat ho gae hum se to yaad aaya hamein

un se ai 'asrar' kuchh kahna bhi tha sunna bhi tha