jab apna muqaddar Thahre hain zaKHmon ke gulistan aur sahi

jab apnā muqaddar Thahre haiñ zaḳhmoñ ke gulistāñ aur sahī

kuchh surḳhī-e-ḳhanjar aur sivā rañgīnī-e-dāmāñ aur sahī

dildārī-e-dast-e-qātil ko baaqī haiñ hamīñ to aao chalo

is kūcha-e-jānāñ meñ yaaro ik jashn-e-charāġhāñ aur sahī

kaTte haiñ kaTeñ bāzū-o-gulū bahtā hai bahe gulnār-e-lahū

ik mārka-e-dil aur sahī ik mārka-e-jāñ aur sahī

kaTte hī kaTegī hijr kī shab liye dard chalo tā-sub.h-e-tarab

in shauq kī maarī āñkhoñ se kuchh va.ada-o-paimāñ aur sahī

bichhne do bisāt-e-zīst agar jiite to sar-afrāzī varna

sab haare hue to baiThe ho ye naqd-e-dil-o-jāñ aur sahī

jab apna muqaddar Thahre hain zaKHmon ke gulistan aur sahi

kuchh surKHi-e-KHanjar aur siwa rangini-e-daman aur sahi

dildari-e-dast-e-qatil ko baqi hain hamin to aao chalo

is kucha-e-jaanan mein yaro ek jashn-e-charaghan aur sahi

kaTte hain kaTen bazu-o-gulu bahta hai bahe gulnar-e-lahu

ek marka-e-dil aur sahi ek marka-e-jaan aur sahi

kaTte hi kaTegi hijr ki shab liye dard chalo ta-subh-e-tarab

in shauq ki mari aankhon se kuchh wada-o-paiman aur sahi

bichhne do bisat-e-zist agar jite to sar-afraazi warna

sab haare hue to baiThe ho ye naqd-e-dil-o-jaan aur sahi