jab apne naghme na apni zaban tak aae
jab apne naġhme na apnī zabāñ tak aa.e
tire huzūr ham aa kar bahut hī pachhtā.e
ḳhayāl ban na sakā naġhma garche ham ne use
hazār tarah ke malbūs-e-lafz pahnā.e
ye husn-o-rañg kā tūfāñ hai ma.āz-allāh
nigāh jam na sake aur thak ke rah ga.e
jo dard uThe bhī to iz.hār us kā ho kyūñkar
huzūr-e-husn agar āvāz baiTh hī jaa.e
haTe nazar se na furqat kī dhuup meñ 'āzād'
kisī kī sumbul-e-shab rañg ke ghane saa.e
jab apne naghme na apni zaban tak aae
tere huzur hum aa kar bahut hi pachhtae
KHayal ban na saka naghma garche hum ne use
hazar tarah ke malbus-e-lafz pahnae
ye husn-o-rang ka tufan hai maaz-allah
nigah jam na sake aur thak ke rah gae
jo dard uThe bhi to izhaar us ka ho kyunkar
huzur-e-husn agar aawaz baiTh hi jae
haTe nazar se na furqat ki dhup mein 'azad'
kisi ki sumbul-e-shab rang ke ghane sae
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
