jab apne pairahan se KHushbu tumhaari aai
jab apne pairahan se ḳhushbū tumhārī aa.ī
ghabrā ke bhuul baiThe ham shikva-e-judā.ī
fitrat ko zid hai shāyad duniyā-e-rañg-o-bū se
kāñToñ kī umr āḳhir kaliyoñ ne kyuuñ na paa.ī
allāh kyā huā hai zom-e-ḳhud-etamādī
kuchh log de rahe haiñ hālāt kī duhā.ī
ġhunchoñ ke dil bajā.e khilne ke shaq hue haiñ
ab ke baras na jaane kaisī bahār aa.ī
is zindagī kā ab tum jo chāho naam rakh do
jo zindagī tumhāre jaane ke baad aa.ī
jab apne pairahan se KHushbu tumhaari aai
ghabra ke bhul baiThe hum shikwa-e-judai
fitrat ko zid hai shayad duniya-e-rang-o-bu se
kanTon ki umr aaKHir kaliyon ne kyun na pai
allah kya hua hai zom-e-KHud-etamadi
kuchh log de rahe hain haalat ki duhai
ghunchon ke dil bajae khilne ke shaq hue hain
ab ke baras na jaane kaisi bahaar aai
is zindagi ka ab tum jo chaho nam rakh do
jo zindagi tumhaare jaane ke baad aai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
