jab bahaar aai hai zanjir-ba-pa rakkha hai

jab bahār aa.ī hai zanjīr-ba-pā rakkhā hai

aqrabā ne mujhe dīvāna banā rakkhā hai

ham-suḳhan ġhair se rahnā hai qarīna aḳhlāq

mujh se kam bolne kā naam hayā rakkhā hai

roz hotī hai hazāroñ hī gharoñ meñ shab-e-ġham

sham.a-rūoñ ne bhī andher machā rakkhā hai

māya-e-zīst hai baaqī dil-e-yak-qatra-e-ḳhūñ

so vo āñkhoñ se Tapakne ko bachā rakkhā hai

dāġh-e-hasrat ki hai vīrāna-e-dil meñ raushan

murda ummīdoñ kī turbat pe diyā rakkhā hai

bazm meñ daad na denā hai ḳhilāf-e-ādāb

ai 'vafā' varna tire sheroñ meñ kyā rakkhā hai

jab bahaar aai hai zanjir-ba-pa rakkha hai

aqraba ne mujhe diwana bana rakkha hai

ham-suKHan ghair se rahna hai qarina aKHlaq

mujh se kam bolne ka nam haya rakkha hai

roz hoti hai hazaron hi gharon mein shab-e-gham

shama-ruon ne bhi andher macha rakkha hai

maya-e-zist hai baqi dil-e-yak-qatra-e-KHun

so wo aankhon se Tapakne ko bacha rakkha hai

dagh-e-hasrat ki hai virana-e-dil mein raushan

murda ummidon ki turbat pe diya rakkha hai

bazm mein dad na dena hai KHilaf-e-adab

ai 'wafa' warna tere sheron mein kya rakkha hai