jab bhi hamare dard ka qissa bayan hua

jab bhī hamāre dard kā qissa bayāñ huā

mahfil yahāñ jamī to tamāsha vahāñ huā

vo zarra jo tumhārā nigāhoñ meñ thā haqīr

vo zarra aaj ḳhair se ek āsmāñ huā

dekhā ma.āl-e-ishq to duniyā badal ga.ī

dil aaj apne aap se bhī bad-gumāñ huā

ik dard jis ko ham ne kiyā dil meñ parvarish

vo mehrbān dard bhī nā-mehrbāñ huā

tum kah rahe ho chār-sū sham.eñ jalā.ī haiñ

ye to hameñ batāo ujālā kahāñ huā

us ne bhī vāldain se kiiñ bad-sulūkiyāñ

sau minnatoñ ke baad jo beTā javāñ huā

munsif ne mere qatl ko likkhā hai ḳhud-kushī

insāf mujh ġharīb se āḳhir kahāñ huā

is inqilāb-e-vaqt ke qurbān jā.iye

muddat ke ba.ad aap ko fikr-e-ziyāñ huā

jab bhi hamare dard ka qissa bayan hua

mahfil yahan jami to tamasha wahan hua

wo zarra jo tumhaara nigahon mein tha haqir

wo zarra aaj KHair se ek aasman hua

dekha maal-e-ishq to duniya badal gai

dil aaj apne aap se bhi bad-guman hua

ek dard jis ko hum ne kiya dil mein parwarish

wo mehrban dard bhi na-mehrban hua

tum kah rahe ho chaar-su shamen jalai hain

ye to hamein batao ujala kahan hua

us ne bhi waldain se kin bad-sulukiyan

sau minnaton ke baad jo beTa jawan hua

munsif ne mere qatl ko likkha hai KHud-kushi

insaf mujh gharib se aaKHir kahan hua

is inqilab-e-waqt ke qurban jaiye

muddat ke baad aap ko fikr-e-ziyan hua