jab bhi kisi ki yaad mein hum gungunae hain

jab bhī kisī kī yaad meñ ham gungunā.e haiñ

mahsūs yuuñ huā ki fazāoñ pe chhā.e haiñ

juuñ hī charāġh-e-rāh-e-vafā jagmagā.e haiñ

chal kar vo duur se mire nazdīk aa.e haiñ

tanhā.iyoñ ke ā.ina-ḳhāne meñ beshtar

aksar tire baġhair bhī ham muskurā.e haiñ

jo log ehtimām-e-charāġhāñ na kar sake

vo log apne aap ko shab bhar jalā.e haiñ

kyoñ naaz kar rahe ho rafīqoñ pe ai 'adīb'

rāh-e-vafā meñ un ke qadam Dagmagā.e haiñ

jab bhi kisi ki yaad mein hum gungunae hain

mahsus yun hua ki fazaon pe chhae hain

jun hi charagh-e-rah-e-wafa jagmagae hain

chal kar wo dur se mere nazdik aae hain

tanhaiyon ke aaina-KHane mein beshtar

aksar tere baghair bhi hum muskurae hain

jo log ehtimam-e-charaghan na kar sake

wo log apne aap ko shab bhar jalae hain

kyon naz kar rahe ho rafiqon pe ai 'adib'

rah-e-wafa mein un ke qadam Dagmagae hain