jab bhi mara zamin pe baDe ghar ka aadmi

jab bhī marā zamīñ pe baḌe ghar kā aadmī

to chauk par lagā diyā patthar kā aadmī

dastār bādshāh ke qadmoñ meñ Daal kar

darbār meñ khaḌā hai binā sar kā aadmī

miTTī se ġhusl karne kā us ko nahīñ shu'ūr

sahrā meñ kyā karegā samundar kā aadmī

kālakh kahāñ se aa ga.ī itnī vujūd meñ

miTTī kā aadmī hai ki Dāmar kā aadmī

aa.ī jo raat chal diyā shaitān kī taraf

din bhar jo lag rahā thā payambar kā aadmī

bāhar ke aadmī se maiñ rahtā thā hoshiyār

nuqsān merā kar gayā andar kā aadmī

har aadmī ye sochtā rahtā hai 'umr bhar

koī nahīñ hai mere barābar kā aadmī

āḳhir shikast khā gayā lekin mahāz par

mujh se bahut laḌā mire andar kā aadmī

jab bhi mara zamin pe baDe ghar ka aadmi

to chauk par laga diya patthar ka aadmi

dastar baadshah ke qadmon mein Dal kar

darbar mein khaDa hai bina sar ka aadmi

miTTi se ghusl karne ka us ko nahin shu'ur

sahra mein kya karega samundar ka aadmi

kalakh kahan se aa gai itni wujud mein

miTTi ka aadmi hai ki Damar ka aadmi

aai jo raat chal diya shaitan ki taraf

din bhar jo lag raha tha payambar ka aadmi

bahar ke aadmi se main rahta tha hoshiyar

nuqsan mera kar gaya andar ka aadmi

har aadmi ye sochta rahta hai 'umr bhar

koi nahin hai mere barabar ka aadmi

aaKHir shikast kha gaya lekin mahaz par

mujh se bahut laDa mere andar ka aadmi