jab bhi un ke hamein andaz-e-nazar yaad aae

jab bhī un ke hameñ andāz-e-nazar yaad aa.e

dil pe ik choT lagī dard-e-jigar yaad aa.e

shab ko yaad aa.e kabhī vaqt-e-sahar yaad aa.e

ham bhulāte hī rahe aap magar yaad aa.e

aah phir hone lagī ek ḳhalish sī dil meñ

un ke mub.ham se ishārāt-e-nazar yaad aa.e

haa.e kyā chiiz mohabbat meñ hai majbūrī bhī

laakh chāhā vo na yaad aa.eñ magar yaad aa.e

yuuñ to ye ziist tumhārī hai ḳhushī se le lo

ashk ro ke na rukeñge ham agar yaad aa.e

ashk chhalke kabhī hoñToñ pe mire aa.ī hañsī

jab vo yaad aa.e ba-andāz-e-digar yaad aa.e

haa.e bas aane hī vaalī thī hañsī hoñToñ par

mujh ko guzre hue ayyām magar yaad aa.e

jab bhī ai 'shauq' zarā dil ko sukūñ milne lagā

ham ko us shauq ke andāz-e-nazar yaad aa.e

jab bhi un ke hamein andaz-e-nazar yaad aae

dil pe ek choT lagi dard-e-jigar yaad aae

shab ko yaad aae kabhi waqt-e-sahar yaad aae

hum bhulate hi rahe aap magar yaad aae

aah phir hone lagi ek KHalish si dil mein

un ke mubham se ishaaraat-e-nazar yaad aae

hae kya chiz mohabbat mein hai majburi bhi

lakh chaha wo na yaad aaen magar yaad aae

yun to ye zist tumhaari hai KHushi se le lo

ashk ro ke na rukenge hum agar yaad aae

ashk chhalke kabhi honTon pe mere aai hansi

jab wo yaad aae ba-andaz-e-digar yaad aae

hae bas aane hi wali thi hansi honTon par

mujh ko guzre hue ayyam magar yaad aae

jab bhi ai 'shauq' zara dil ko sukun milne laga

hum ko us shauq ke andaz-e-nazar yaad aae