jab dhup ne badan ko sunaya ki main bhi hun

jab dhuup ne badan ko sunāyā ki maiñ bhī huuñ

saa.e ne bāhar aa ke batāyā ki maiñ bhī huuñ

pūchhā kisī ne dil kā satāyā hai aur kaun

maiñ ne bhī apnā haath uThāyā ki maiñ bhī huuñ

sochā koī nahīñ mirā bhagvān ke sivā

phir ek din samajh meñ ye aayā ki maiñ bhī huuñ

āñkhoñ meñ us kī duur se duniyā dikhā.ī dī

us ne qarīb aa ke dikhāyā ki maiñ bhī huuñ

har koī is jahāñ meñ anā kā marīz hai

har koī jab kahā to ye paayā ki maiñ bhī huuñ

har baar aadmī ne kiyā maiñ hī huuñ kā shor

har baar vaqt ne ye sikhāyā ki maiñ bhī huuñ

jab dhup ne badan ko sunaya ki main bhi hun

sae ne bahar aa ke bataya ki main bhi hun

puchha kisi ne dil ka sataya hai aur kaun

main ne bhi apna hath uThaya ki main bhi hun

socha koi nahin mera bhagwan ke siwa

phir ek din samajh mein ye aaya ki main bhi hun

aankhon mein us ki dur se duniya dikhai di

us ne qarib aa ke dikhaya ki main bhi hun

har koi is jahan mein ana ka mariz hai

har koi jab kaha to ye paya ki main bhi hun

har bar aadmi ne kiya main hi hun ka shor

har bar waqt ne ye sikhaya ki main bhi hun