jab hum us se mil kar aaya karte the

jab ham us se mil kar aayā karte the

saarā din sāhir ko gaayā karte the

jab jab dukh ke bādal chhāyā karte the

ham peḌoñ se milne jaayā karte the

ham mil kar sailāb banāte the pahle

phir ham donoñ naav banāyā karte the

chhoTī baat pe khil uThte the bachchoñ sā

piñjre se panchhī ko uḌāyā karte the

dīvāroñ darvāzoñ aur darīchoñ ko

sab ko us kī baat batāyā karte the

rāteñ kaT jaatī thiiñ jise banāne meñ

din meñ vo tasvīr chhupāyā karte the

ḳhāmoshī jab bhī zaa.e' ho jaatī thī

sahrā meñ jā kar chillāyā karte the

jab hum us se mil kar aaya karte the

sara din sahir ko gaya karte the

jab jab dukh ke baadal chhaya karte the

hum peDon se milne jaya karte the

hum mil kar sailab banate the pahle

phir hum donon naw banaya karte the

chhoTi baat pe khil uThte the bachchon sa

pinjre se panchhi ko uDaya karte the

diwaron darwazon aur darichon ko

sab ko us ki baat bataya karte the

raaten kaT jati thin jise banane mein

din mein wo taswir chhupaya karte the

KHamoshi jab bhi zae' ho jati thi

sahra mein ja kar chillaya karte the