jab hamari zindagi ke dard filmae gae

jab hamārī zindagī ke dard filmā.e ga.e

dostoñ ke hukm se sab scene kaTvā.e ga.e

chhoTī chhoTī chādareñ bikne lagīñ bāzār meñ

aur phir un se ziyāda paañv phailā.e ga.e

Tā.iloñ kī sang-e-marmar kī zamīneñ dī ga.iiñ

is tarah kāñToñ pe chalne vaale phuslā.e ga.e

dil pukārā har ishārā toḌ do gaaḌī bhagāo

aur saḌak bolī bahut se is tarah aa.e ga.e

muñh meñ angāre ko rakhne vaalā bachcha bach gayā

muñh meñ añgāre ko sah sah kar ḳhudā Dhaa.e ga.e

zindagī rone ko vaqt-e-muḳhtasar kā naam hai

aur ham bachche haiñ jo jannat se bahlā.e ga.e

jab hamari zindagi ke dard filmae gae

doston ke hukm se sab scene kaTwae gae

chhoTi chhoTi chadaren bikne lagin bazar mein

aur phir un se ziyaada panw phailae gae

Tailon ki sang-e-marmar ki zaminen di gain

is tarah kanTon pe chalne wale phuslae gae

dil pukara har ishaara toD do gaDi bhagao

aur saDak boli bahut se is tarah aae gae

munh mein angare ko rakhne wala bachcha bach gaya

munh mein angare ko sah sah kar KHuda Dhae gae

zindagi rone ko waqt-e-muKHtasar ka nam hai

aur hum bachche hain jo jannat se bahlae gae