jab ishq ka junun mere sar par sawar tha

jab ishq kā junūñ mire sar par savār thā

dil ko qarār thā na jigar ko qarār thā

dil be-qarār thā na jigar be-qarār thā

terā ḳhayāl paas shab-e-intizār thā

phūloñ ke haar turbat-e-aġhyār par chaḌhe

mashq-e-sitam ke vāste merā mazār thā

kyūñkar na dete ġham ko tire dil meñ ham jagah

furqat meñ apnā ek hī to ġham-gusār thā

vo pā.emāl kar ke mire dil ko kahte haiñ

ye dil vahī hai hijr meñ jo be-qarār thā

miltā na thā mizāj dil-e-be-qarār kā

tīr-e-nigāh-e-nāz kā jab vo shikār thā

maiñ kyā kahūñ ki haal mirā kyā thā hijr meñ

din-rāt lab pe nāla-e-be-iḳhtiyār thā

ab dil hai aur zillat-o-rusvā.ī-e-junūñ

'nashtar' kabhī ye māya-e-sad-iftiḳhār thā

jab ishq ka junun mere sar par sawar tha

dil ko qarar tha na jigar ko qarar tha

dil be-qarar tha na jigar be-qarar tha

tera KHayal pas shab-e-intizar tha

phulon ke haar turbat-e-aghyar par chaDhe

mashq-e-sitam ke waste mera mazar tha

kyunkar na dete gham ko tere dil mein hum jagah

furqat mein apna ek hi to gham-gusar tha

wo paemal kar ke mere dil ko kahte hain

ye dil wahi hai hijr mein jo be-qarar tha

milta na tha mizaj dil-e-be-qarar ka

tir-e-nigah-e-naz ka jab wo shikar tha

main kya kahun ki haal mera kya tha hijr mein

din-raat lab pe nala-e-be-iKHtiyar tha

ab dil hai aur zillat-o-ruswai-e-junun

'nashtar' kabhi ye maya-e-sad-iftiKHar tha