jab kabhi zahir hue suraj ke zardile nuqush

jab kabhī zāhir hue sūraj ke zardīle nuqūsh

ḳhud pighalne lag ga.e chehroñ ke barfīle nuqūsh

sun rahe the har taraf apnī sadā kī bāzgasht

har taraf bikhre hue the zehn ke Dhīle nuqūsh

sā.atoñ kā qāfila sākit khaḌā thā jism meñ

chalte phirte the magar sāñsoñ ke pathrīle nuqūsh

jab purāne chand rishtoñ ko kiyā thā ustuvār

zehn meñ yak-laḳht ubhre saare chamkīle nuqūsh

vahshatoñ kī raushnā.ī bah ga.ī kāġhaz pe jab

dahr meñ har samt the jangal ke zahrīle nuqūsh

ham ne boyā thā badan ke khet meñ tuḳhm-e-havas

kāTte haiñ rāhatoñ kī fasl zardīle nuqūsh

kitnī āsānī farāham kī thī 'jāmī' vaqt ne

mil rahe the rāste meñ niile aur piile nuqūsh

jab kabhi zahir hue suraj ke zardile nuqush

KHud pighalne lag gae chehron ke barfile nuqush

sun rahe the har taraf apni sada ki bazgasht

har taraf bikhre hue the zehn ke Dhile nuqush

saaton ka qafila sakit khaDa tha jism mein

chalte phirte the magar sanson ke pathrile nuqush

jab purane chand rishton ko kiya tha ustuwar

zehn mein yak-laKHt ubhre sare chamkile nuqush

wahshaton ki raushnai bah gai kaghaz pe jab

dahr mein har samt the jangal ke zahrile nuqush

hum ne boya tha badan ke khet mein tuKHm-e-hawas

kaTte hain rahaton ki fasl zardile nuqush

kitni aasani faraham ki thi 'jami' waqt ne

mil rahe the raste mein nile aur pile nuqush