jab koi bhi KHaqan sar-e-baam na hoga

jab koī bhī ḳhāqān sar-e-bām na hogā

phir ahl-e-zamīñ par koī ilzām na hogā

kal vo hameñ pahchān na paa.e sar-e-rāhe

shāyad unheñ ab ham se koī kaam na hogā

phir kaun samajh pā.egā asrār-e-haqīqat

jab faisla koī bhī sar-e-ām na hogā

ye ahd-e-ravāñ ḳhāk-nishāñ dhyān meñ rakkho

phir DhūñDoge kis ko jo koī naam na hogā

banñe ko hai ik roz parindoñ kā muqaddar

utreñge to ham-rañg-e-zamīñ daam na hogā

mahfil meñ agar zikr ho arbāb-e-vafā kā

aisā nahīñ 'rāhat' ki tirā naam na hogā

jab koi bhi KHaqan sar-e-baam na hoga

phir ahl-e-zamin par koi ilzam na hoga

kal wo hamein pahchan na pae sar-e-rahe

shayad unhen ab hum se koi kaam na hoga

phir kaun samajh paega asrar-e-haqiqat

jab faisla koi bhi sar-e-am na hoga

ye ahd-e-rawan KHak-nishan dhyan mein rakkho

phir DhunDoge kis ko jo koi nam na hoga

banne ko hai ek roz parindon ka muqaddar

utrenge to ham-rang-e-zamin dam na hoga

mahfil mein agar zikr ho arbab-e-wafa ka

aisa nahin 'rahat' ki tera nam na hoga