jab koi gham hi na ho ashk bahaun kaise

jab koī ġham hī na ho ashk bahā.ūñ kaise

ḳhud ko duniyā kī adākārī sikhā.ūñ kaise

terī har ek jhalak aur baḌhātī hai talab

aise meñ pyaas nigāhoñ kī bujhā.ūñ kaise

ḳhud-baḳhud āñkhoñ ke paimāne chhalak paḌte haiñ

shiddat-e-ġham ko chhupā.ūñ to chhupā.ūñ kaise

chāñd-tāroñ se zarā bhī tujhe taskīn nahīñ

zindagī ab maiñ tirī maañg sajā.ūñ kaise

jis ko aane kī tasavvur meñ bhī fursat na mile

hāl-e-dil us ko sunā.ūñ to sunā.ūñ kaise

bach ke duniyā kī nigāhoñ se ḳhatā kar to luuñ

apnī nazroñ se magar ḳhud ko girā.ūñ kaise

aag ho to use paanī se bujhā bhī luuñ 'jigar'

ye lagī dil kī hai maiñ us ko bujhā.ūñ kaise

jab koi gham hi na ho ashk bahaun kaise

KHud ko duniya ki adakari sikhaun kaise

teri har ek jhalak aur baDhati hai talab

aise mein pyas nigahon ki bujhaun kaise

KHud-baKHud aankhon ke paimane chhalak paDte hain

shiddat-e-gham ko chhupaun to chhupaun kaise

chand-taron se zara bhi tujhe taskin nahin

zindagi ab main teri mang sajaun kaise

jis ko aane ki tasawwur mein bhi fursat na mile

haal-e-dil us ko sunaun to sunaun kaise

bach ke duniya ki nigahon se KHata kar to lun

apni nazron se magar KHud ko giraun kaise

aag ho to use pani se bujha bhi lun 'jigar'

ye lagi dil ki hai main us ko bujhaun kaise