jab kucha-kucha maqtal ho tab zikr-e-gulistan kya mani

jab kūcha-kūcha maqtal ho tab zikr-e-gulistāñ kyā mā'nī

jab aag meñ zinda jism jaleñ tab jashn-e-bahārāñ kyā maanī

masmūm fazā har samt dhuāñ parvāz kareñ taa.ir kaise

jab shāḳh-e-nasheman jaltī ho bulbul ho ġhazal-ḳhvāñ kyā mā'nī

us qāfile kā luTnā Thahrā qazzāq ho jis kā rāh-numā

gulchīñ ho jo apnī fitrat se gulshan kā nigahbāñ kyā mā'nī

jis 'ilm ke zahr se insāñ bhī ḳhūñḳhār darinde ban jaa.eñ

is amn-o-amāñ kī bastī meñ vo 'ilm farāvāñ kyā mā'nī

jis kā maslak ho nasl-kushī jis kā maqsad qatl-o-ġhārat

vo aadmī hindū kyā matlab vo mard musalmāñ kyā mā'nī

is kurra-e-arz pe likkhā hai mazlūmī-e-ādam kā qissa

haañ chhīn jhapaT kī tahzībeñ āzādī-e-insāñ kyā mā'nī

jab kucha-kucha maqtal ho tab zikr-e-gulistan kya ma'ni

jab aag mein zinda jism jalen tab jashn-e-bahaaran kya mani

masmum faza har samt dhuan parwaz karen tair kaise

jab shaKH-e-nasheman jalti ho bulbul ho ghazal-KHwan kya ma'ni

us qafile ka luTna Thahra qazzaq ho jis ka rah-numa

gulchin ho jo apni fitrat se gulshan ka nigahban kya ma'ni

jis 'ilm ke zahr se insan bhi KHunKHar darinde ban jaen

is amn-o-aman ki basti mein wo 'ilm farawan kya ma'ni

jis ka maslak ho nasl-kushi jis ka maqsad qatl-o-ghaarat

wo aadmi hindu kya matlab wo mard musalman kya ma'ni

is kurra-e-arz pe likkha hai mazlumi-e-adam ka qissa

han chhin jhapaT ki tahziben aazadi-e-insan kya ma'ni