jab mile hai puchhta tum kaun ho tum kaun ho

jab mile hai pūchhtā tum kaun ho tum kaun ho

aah ye kaisī adā tum kaun ho tum kaun ho

daur-e-mushkil meñ gila aġhyār kā kaise karūñ

jab kahe ye āshnā tum kaun ho tum kaun ho

mālik-e-kursī thā to karte the jo jhuk kar salām

vo kaheñ jab se girā tum kaun ho tum kaun ho

jab kahā chāhat adū se asl meñ tauhīn-e-ishq

bevafā kahne lagā tum kaun ho tum kaun ho

chāhe jab phuslā.e mujh ko chāhūñ maiñ kuchh bhī agar

to kahe ye mah-laqā tum kaun ho tum kaun ho

dil hai asl-e-zindagī dene se pahle ġhair ko

pūchhne meñ kyā burā tum kaun ho tum kaun ho

banda-e-nāchīz aisā yaum-e-mahshar ko agar

kyā ajab pūchhe ḳhudā tum kaun ho tum kaun ho

jab kahā japte haiñ maalā ham to tere naam kī

hañs ke us ne kah diyā tum kaun ho tum kaun ho

dil meñ tasvīr-e-sanam hoñToñ pe hai nām-e-ḳhudā

maiñ sunūñ har dam sadā tum kaun ho tum kaun ho

va.ada-e-bosa kiyā lekin evaz meñ dī chapat

aur naḳhvat se kahā tum kaun ho tum kaun ho

āshiqī maslak vo 'anvar' jis meñ do bante haiñ ek

ye gunah hai pūchhnā tum kaun ho tam kaun ho

jab mile hai puchhta tum kaun ho tum kaun ho

aah ye kaisi ada tum kaun ho tum kaun ho

daur-e-mushkil mein gila aghyar ka kaise karun

jab kahe ye aashna tum kaun ho tum kaun ho

malik-e-kursi tha to karte the jo jhuk kar salam

wo kahen jab se gira tum kaun ho tum kaun ho

jab kaha chahat adu se asl mein tauhin-e-ishq

bewafa kahne laga tum kaun ho tum kaun ho

chahe jab phuslae mujh ko chahun main kuchh bhi agar

to kahe ye mah-laqa tum kaun ho tum kaun ho

dil hai asl-e-zindagi dene se pahle ghair ko

puchhne mein kya bura tum kaun ho tum kaun ho

banda-e-nachiz aisa yaum-e-mahshar ko agar

kya ajab puchhe KHuda tum kaun ho tum kaun ho

jab kaha japte hain mala hum to tere nam ki

hans ke us ne kah diya tum kaun ho tum kaun ho

dil mein taswir-e-sanam honTon pe hai nam-e-KHuda

main sunun har dam sada tum kaun ho tum kaun ho

wada-e-bosa kiya lekin ewaz mein di chapat

aur naKHwat se kaha tum kaun ho tum kaun ho

aashiqi maslak wo 'anwar' jis mein do bante hain ek

ye gunah hai puchhna tum kaun ho tam kaun ho