jab mili un se nazar miTne ka saman ho gaya
jab mili un se nazar miTne ka saman ho gaya
Gorbachan Singh Dayal Maghmum
MORE BYGorbachan Singh Dayal Maghmum
jab milī un se nazar miTne kā sāmāñ ho gayā
ai qazā ḳhush ho tirā ab kaam āsāñ ho gayā
dilrubā ma.alūm hotī haiñ mujhe tanhā.iyāñ
naqsh har shai kā mujhe tasvīr-e-jānāñ ho gayā
merī ḳhvāhish thī ki lūTūñ lazzat-e-duniyā magar
vus.at-e-hirs-o-havā se tañg dāmāñ ho gayā
baḌh rahī haiñ qīmateñ har chiiz kī bāzār meñ
ek aisā ġham hai jo ab aur arzāñ ho gayā
shomi-e-qismat kaheñ yā ḳhaslat-e-insāñ ise
aa ke qābiz bazm-e-hastī par ye mehmāñ ho gayā
sho.ala-zan hai dil yahāñ to dāġh-hā-e-rañj se
aur vo kahte haiñ ḳhush ho kar charāġhāñ ho gayā
dekh kar chāroñ taraf āsār-e-ġham āh-o-fuġhāñ
kyā karūñ 'maġhmūm dil merā hirāsāñ ho gayā
jab mili un se nazar miTne ka saman ho gaya
ai qaza KHush ho tera ab kaam aasan ho gaya
dilruba malum hoti hain mujhe tanhaiyan
naqsh har shai ka mujhe taswir-e-jaanan ho gaya
meri KHwahish thi ki luTun lazzat-e-duniya magar
wusat-e-hirs-o-hawa se tang daman ho gaya
baDh rahi hain qimaten har chiz ki bazar mein
ek aisa gham hai jo ab aur arzan ho gaya
shomi-e-qismat kahen ya KHaslat-e-insan ise
aa ke qabiz bazm-e-hasti par ye mehman ho gaya
shoala-zan hai dil yahan to dagh-ha-e-ranj se
aur wo kahte hain KHush ho kar charaghan ho gaya
dekh kar chaaron taraf aasar-e-gham aah-o-fughan
kya karun 'maghmum dil mera hirasan ho gaya
- Book : SAAZ-O-NAVA (Pg. 249)
- Publication : Raghu Nath suhai ummid
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
