jab mufakkir mere andaz-e-bayan tak pahunche

jab mufakkir mire andāz-e-bayāñ tak pahuñche

merī hālat mire har rāz-e-nihāñ tak pahuñche

vādī-e-ishq meñ ham log jahāñ tak pahuñche

koī majnūñ na koī qais vahāñ tak pahuñche

tifl baaqī na rahe pīr-o-javāñ tak pahuñche

merā paiġhām mohabbat hai jahāñ tak pahuñche

aise shiddat se gale us ne lagāyā mujh ko

tiir jaise koī āġhosh-e-kamāñ tak pahuñche

kūcha-e-yār se ġhusse meñ nikal aaya thā

us ne pūchhā bhī nahīñ aap kahāñ tak pahuñche

apne dil ke kisī goshe meñ hameñ rahne de

baḌī mushkil se mirī jaan yahāñ tak pahuñche

ye koī ishq nahīñ ham jo kiyā karte haiñ

ishq aisā ho ki sar nok-e-sināñ tak pahuñche

chashm-e-tārīḳh na dekhegī ab aise pyāse

ek qatra na piyā āb-e-ravāñ tak pahuñche

salb kar legā ḳhudā aap se saarī ḳhushiyāñ

talḳh alfāz agar baap yā maañ tak pahuñche

nafs qaabū meñ rahe hosh rahe izzat kā

jab koī ibn-e-fulāñ bint-e-fulāñ tak pahuñche

apne māshūq se maiñ ishq kā iz.hār karūñ

merī āvāz jo dahlīz-e-samāñ tak pahuñche

dād-o-tahsīn se duniyā ne navāzā mujh ko

sher ban kar jo mire dard zabāñ tak pahuñche

baad marne ke ye marqad meñ pukārā 'mehvar'

ḳhair se dosto ham apne makāñ tak pahuñche

jab mufakkir mere andaz-e-bayan tak pahunche

meri haalat mere har raaz-e-nihan tak pahunche

wadi-e-ishq mein hum log jahan tak pahunche

koi majnun na koi qais wahan tak pahunche

tifl baqi na rahe pir-o-jawan tak pahunche

mera paigham mohabbat hai jahan tak pahunche

aise shiddat se gale us ne lagaya mujh ko

tir jaise koi aaghosh-e-kaman tak pahunche

kucha-e-yar se ghusse mein nikal aaya tha

us ne puchha bhi nahin aap kahan tak pahunche

apne dil ke kisi goshe mein hamein rahne de

baDi mushkil se meri jaan yahan tak pahunche

ye koi ishq nahin hum jo kiya karte hain

ishq aisa ho ki sar nok-e-sinan tak pahunche

chashm-e-tariKH na dekhegi ab aise pyase

ek qatra na piya aab-e-rawan tak pahunche

salb kar lega KHuda aap se sari KHushiyan

talKH alfaz agar bap ya man tak pahunche

nafs qabu mein rahe hosh rahe izzat ka

jab koi ibn-e-fulan bint-e-fulan tak pahunche

apne mashuq se main ishq ka izhaar karun

meri aawaz jo dahliz-e-saman tak pahunche

dad-o-tahsin se duniya ne nawaza mujh ko

sher ban kar jo mere dard zaban tak pahunche

baad marne ke ye marqad mein pukara 'mehwar'

KHair se dosto hum apne makan tak pahunche