jab mujhe rah se haTaya gaya

jab mujhe raah se haTāyā gayā

is qadar shor kyoñ machāyā gayā

jis galī tak thā us kā naqsh-e-qadam

us galī tak bhī merā saayā gayā

is qadar us ko mujh se nafrat thī

shahr-e-hasrat hī kyoñ basāyā gayā

maiñ kahāñ māntā thā duniyā kī

terā kah kar mujhe manāyā gayā

sansanī sī badan meñ phail ga.ī

aa.ine ko maiñ jab dikhāyā gayā

mujh ko ai shahr terī galiyoñ meñ

pā-ba-zanjīr kyoñ phirāyā gayā

ham ne kyā dukh sahe zamāne ke

pyaas ko ashk se bujhāyā gayā

maiñ to duniyā ko rauñd baiThā thā

mujh meñ kis shaḳhs ko jagāyā gayā

mere sheroñ kā somras pī kar

mujh ko zahrāb kyoñ pilāyā gayā

us jagah phuul hai na titlī hai

jis jagah dil mirā bichhāyā gayā

mahram-e-ishq the ka.ī 'shahzād'

zabt merā hī āzmāyā gayā

jab mujhe rah se haTaya gaya

is qadar shor kyon machaya gaya

jis gali tak tha us ka naqsh-e-qadam

us gali tak bhi mera saya gaya

is qadar us ko mujh se nafrat thi

shahr-e-hasrat hi kyon basaya gaya

main kahan manta tha duniya ki

tera kah kar mujhe manaya gaya

sansani si badan mein phail gai

aaine ko main jab dikhaya gaya

mujh ko ai shahr teri galiyon mein

pa-ba-zanjir kyon phiraya gaya

hum ne kya dukh sahe zamane ke

pyas ko ashk se bujhaya gaya

main to duniya ko raund baiTha tha

mujh mein kis shaKHs ko jagaya gaya

mere sheron ka somras pi kar

mujh ko zahrab kyon pilaya gaya

us jagah phul hai na titli hai

jis jagah dil mera bichhaya gaya

mahram-e-ishq the kai 'shahzad'

zabt mera hi aazmaya gaya