jab mulaqat ka imkan nahin hota tha

jab mulāqāt kā imkān nahīñ hotā thā

fāsla Thiik thā nuqsān nahīñ hotā thā

ham use dekh ke chup-chāp guzar jaate the

vaise ye itnā bhī āsān nahīñ hotā thā

tū ḳhafā hai to pareshān use dekhte haiñ

jo kisī taur pareshān nahīñ hotā thā

pahle pahle mujhe zaḳhmoñ kī samajh thī hī nahīñ

phuul hote the to guldān nahīñ hotā thā

bhuuk baḌhtī to charāġhoñ ko bujhānā paḌtā

ghar meñ chāhe koī mehmān nahīñ hotā thā

ik tavāzun thā mire paas bahut aa.ine the

aur patthar kā bhī fuqdān nahīñ hotā thā

maiñ ne us dukh ko bhī māyūs nahīñ hone diyā

jo mire zabt ke shāyān nahīñ hotā thā

jab mulaqat ka imkan nahin hota tha

fasla Thik tha nuqsan nahin hota tha

hum use dekh ke chup-chap guzar jate the

waise ye itna bhi aasan nahin hota tha

tu KHafa hai to pareshan use dekhte hain

jo kisi taur pareshan nahin hota tha

pahle pahle mujhe zaKHmon ki samajh thi hi nahin

phul hote the to guldan nahin hota tha

bhuk baDhti to charaghon ko bujhana paDta

ghar mein chahe koi mehman nahin hota tha

ek tawazun tha mere pas bahut aaine the

aur patthar ka bhi fuqdan nahin hota tha

main ne us dukh ko bhi mayus nahin hone diya

jo mere zabt ke shayan nahin hota tha