jab nai fikr KHayalon mein numu pati hai

jab na.ī fikr ḳhayāloñ meñ numū paatī hai

ḳhushbū-e-rūh-e-suḳhan dil meñ utar aatī hai

mere hoñToñ pe lapaktā hai vo naġhma ban kar

zindagī saaz meñ āvāz meñ Dhal jaatī hai

tū ne āñkhoñ meñ sajā.e haiñ ka.ī taaj mahal

merī chāhat tirī āñkhoñ meñ nazar aatī hai

maiñ ne gardūñ ko chunā jab se hai maskan apnā

shauq-e-parvāz na.e rāste dikhlātī hai

go safar meñ ho magar zād-e-safar kam rakhnā

zindagī bojh uThāte hue ghabrātī hai

maiñ ne qudrat ke usūloñ se ye samjhā 'bāsit'

dard kī kokh hī taḳhlīq-e-sahar laatī hai

jab nai fikr KHayalon mein numu pati hai

KHushbu-e-ruh-e-suKHan dil mein utar aati hai

mere honTon pe lapakta hai wo naghma ban kar

zindagi saz mein aawaz mein Dhal jati hai

tu ne aankhon mein sajae hain kai taj mahal

meri chahat teri aankhon mein nazar aati hai

main ne gardun ko chuna jab se hai maskan apna

shauq-e-parwaz nae raste dikhlati hai

go safar mein ho magar zad-e-safar kam rakhna

zindagi bojh uThate hue ghabraati hai

main ne qudrat ke usulon se ye samjha 'basit'

dard ki kokh hi taKHliq-e-sahar lati hai