jab samundar ki usne KHwahish ki

jab samundar kī us ne ḳhvāhish kī

merī āñkhoñ ne ḳhuub bārish kī

aap haiñ kis liye pashemāñ se

maiñ ne zaḳhmoñ kī kab numā.ish kī

ek ik harf par dharī unglī

kyā mirī aap ne satā.ish kī

ik makāñ vo jise na dekhā thā

umr-bhar us meñ hī rihā.ish kī

kaise murda-zamīr logoñ meñ

zinda rahne kī ham ne koshish kī

ham ne to kuchh nahīñ kiyā lekin

aap ne kyā kiyā jo sāzish kī

ḳhud ko jab chaak par dharā 'iqrār'

phir zamānoñ ke gird gardish kī

jab samundar ki us ne KHwahish ki

meri aankhon ne KHub barish ki

aap hain kis liye pasheman se

main ne zaKHmon ki kab numaish ki

ek ek harf par dhari ungli

kya meri aap ne sataish ki

ek makan wo jise na dekha tha

umr-bhar us mein hi rihaish ki

kaise murda-zamir logon mein

zinda rahne ki hum ne koshish ki

hum ne to kuchh nahin kiya lekin

aap ne kya kiya jo sazish ki

KHud ko jab chaak par dhara 'iqrar'

phir zamanon ke gird gardish ki