jab se apnai hai fitrat is kali ne Khaar ki

jab se apnā.ī hai fitrat is kalī ne ḳhaar kī

ḳhaar sī lagne lagī hai har kalī gulzār kī

aa ga.e vo daad dene hasrat-e-dīdār kī

ḳhatm hone ko thī jis dam zindagī bīmār kī

chāñd gul qaus-e-quzah sab ko ḳhafā ham ne kiyā

nā-mukammal hī rahī tārīf us ruḳhsār kī

toḌ de tanhā.iyoñ kī āhanī dīvār ko

ḳhāmushī khā jā.egī varna isī dīvār ko

mausam-e-bārish meñ ghar se kam nikalte haiñ sabhī

in dinoñ meñ suukh jaatī hai nadī dīvār kī

yaas ke saa.e meñ hai 'zāhid' umīdoñ kā chaman

zindagī ab muskurāhaT hai kisī bīmār kī

jab se apnai hai fitrat is kali ne KHar ki

KHar si lagne lagi hai har kali gulzar ki

aa gae wo dad dene hasrat-e-didar ki

KHatm hone ko thi jis dam zindagi bimar ki

chand gul qaus-e-quzah sab ko KHafa hum ne kiya

na-mukammal hi rahi tarif us ruKHsar ki

toD de tanhaiyon ki aahani diwar ko

KHamushi kha jaegi warna isi diwar ko

mausam-e-barish mein ghar se kam nikalte hain sabhi

in dinon mein sukh jati hai nadi diwar ki

yas ke sae mein hai 'zahid' umidon ka chaman

zindagi ab muskurahaT hai kisi bimar ki