jab se chaman mein apna hua aashiyan udas

jab se chaman meñ apnā huā āshiyāñ udaas

fasl-e-bahār meñ bhī rahā gulsitāñ udaas

bazm-e-nashāt aish-o-tarab ke ma.aal se

honā thā ho rahā hai dil-e-shādmāñ udaas

allāh re ye daur-e-taraqqī kā madd-o-jazr

hai irtiqā-e-aql se saarā jahāñ udaas

ik jām-e-iltifāt kī ḳhātir ai sāqiyā

takte rahe haiñ terī taraf mai-kashāñ udaas

vo kyā payām-e-zīst hameñ deñge dosto

jin ke ḳhayāl-o-fikr ki hai dāstāñ udaas

ojhal nazar se manzil-e-maqsūd dekh kar

ik mīr-e-kārvāñ se huā kārvāñ udaas

ho kar sharīk-e-bazm to 'hamdam' kabhī thā ḳhush

ab jaane kyā huā hai ki vo hai yahāñ udaas

jab se chaman mein apna hua aashiyan udas

fasl-e-bahaar mein bhi raha gulsitan udas

bazm-e-nashat aish-o-tarab ke maal se

hona tha ho raha hai dil-e-shadman udas

allah re ye daur-e-taraqqi ka madd-o-jazr

hai irtiqa-e-aql se sara jahan udas

ek jam-e-iltifat ki KHatir ai saqiya

takte rahe hain teri taraf mai-kashan udas

wo kya payam-e-zist hamein denge dosto

jin ke KHayal-o-fikr ki hai dastan udas

ojhal nazar se manzil-e-maqsud dekh kar

ek mir-e-karwan se hua karwan udas

ho kar sharik-e-bazm to 'hamdam' kabhi tha KHush

ab jaane kya hua hai ki wo hai yahan udas