jab se hum rakhne lage hain kaam apne kaam se

jab se ham rakhne lage haiñ kaam apne kaam se

vo udhar ārām se haiñ ham idhar ārām se

ye bhī kaT jā.egī jo thoḌī bahut baaqī hai umr

ham yahī karte raheñge kaam apne aam se

is dar-e-insāf ke darbāñ bhī haiñ munsif bahut

ham jūñhī fariyād se baaz aa.e vo dushnām se

āshiqī meñ lutf to saarā tajassus kī hai den

kar diyā āġhāz meñ kyoñ āshnā anjām se

ḳhaak se bantī hai jaise ḳhisht ham kuchh is tarah

dekh kyā sonā banāte haiñ ḳhayāl-e-ḳhām se

is tarah mil jaa.e shāyad bāryābī kā sharaf

mashvara hai ab ke arzī bhej farzī naam se

yā to vo tasvīr hai pesh-e-nazar yā kuchh nahīñ

haath dho dīdoñ se 'bāsir' ye ga.e ab kaam se

jab se hum rakhne lage hain kaam apne kaam se

wo udhar aaram se hain hum idhar aaram se

ye bhi kaT jaegi jo thoDi bahut baqi hai umr

hum yahi karte rahenge kaam apne aam se

is dar-e-insaf ke darban bhi hain munsif bahut

hum junhi fariyaad se baz aae wo dushnam se

aashiqi mein lutf to sara tajassus ki hai den

kar diya aaghaz mein kyon aashna anjam se

KHak se banti hai jaise KHisht hum kuchh is tarah

dekh kya sona banate hain KHayal-e-KHam se

is tarah mil jae shayad baryabi ka sharaf

mashwara hai ab ke arzi bhej farzi nam se

ya to wo taswir hai pesh-e-nazar ya kuchh nahin

hath dho didon se 'basir' ye gae ab kaam se