jab se jaana hai gham-e-zist se hasil kya hai

jab se jaanā hai ġham-e-zīst se hāsil kyā hai

maiñ yahī soch rahā huuñ mutabādil kyā hai

ḳhvāb āñkhoñ meñ basā.e to huī ye ḳhvāhish

koī ham se bhī ye pūchhe ki ġham-e-dil kyā hai

log har qaid se āzād hue jaate haiñ

pūchhiye kis se ki ab kār-e-salāsil kyā hai

kis ko fursat hai kare ham ko jo zinda sābit

bas yahī ek vakīl apnā hai qātil kyā hai

naqsh ma.adūm hue jaate haiñ rafta rafta

ai ḳhudā aaj mirī raah meñ haa.il kyā hai

ā.ina-ḳhāne meñ ye dekh rahā huuñ 'rāhat'

muḳhtalif kyā hai yahāñ aur mutamassil kyā hai

jab se jaana hai gham-e-zist se hasil kya hai

main yahi soch raha hun mutabaadil kya hai

KHwab aankhon mein basae to hui ye KHwahish

koi hum se bhi ye puchhe ki gham-e-dil kya hai

log har qaid se aazad hue jate hain

puchhiye kis se ki ab kar-e-salasil kya hai

kis ko fursat hai kare hum ko jo zinda sabit

bas yahi ek wakil apna hai qatil kya hai

naqsh madum hue jate hain rafta rafta

ai KHuda aaj meri rah mein hail kya hai

aaina-KHane mein ye dekh raha hun 'rahat'

muKHtalif kya hai yahan aur mutamassil kya hai