jab se tu kaba-e-dil mein hai sanam ki surat

jab se tū ka.aba-e-dil meñ hai sanam kī sūrat

dair mujh ko nazar aatā hai haram kī sūrat

is qadar chuur hai ā.īna-e-ehsās mirā

ab na vo rang-e-masarrat hai na ġham kī sūrat

ye haqīqat hai mohabbat bhī asar kartī hai

kabhī tiryāk kī sūrat kabhī sam kī sūrat

rāmish-o-rang se hai shahr-e-nigārāñ ma.amūr

dil hai vīrān magar shahr-e-adam kī sūrat

is qadar vaqt ke sūraj ne tapāyā 'at.har'

ro diye dekh ke ham abr-e-karam kī sūrat

jab se tu kaba-e-dil mein hai sanam ki surat

dair mujh ko nazar aata hai haram ki surat

is qadar chur hai aaina-e-ehsas mera

ab na wo rang-e-masarrat hai na gham ki surat

ye haqiqat hai mohabbat bhi asar karti hai

kabhi tiryak ki surat kabhi sam ki surat

ramish-o-rang se hai shahr-e-nigaran mamur

dil hai viran magar shahr-e-adam ki surat

is qadar waqt ke suraj ne tapaya 'athar'

ro diye dekh ke hum abr-e-karam ki surat