jab shama hansi to parwane masum shararat kar baiThe

jab sham.a hañsī to parvāne ma.asūm sharārat kar baiThe

nāzuk sā jigar aur ye jur.at sho.ale se mohabbat kar baiThe

allah re junūn-e-ḳhud-ġharzī āzād hue jab ahl-e-qafas

ta.amīr-e-nasheman par qurbāñ gulshan kī latāfat kar baiThe

dekhā jo unheñ kuchh kah na sake kyā jāniye kyā dil meñ aaya

ashkoñ ke sahāre chupke se iz.hār-e-mohabbat kar baiThe

ronā to likhā thā qismat meñ haañ un se mile jab aa.ī hañsī

kambaḳht ye aañsū bhī na thame tauhīn-e-masarrat kar baiThe

guzregī jo dil par jheleñge hañs hañs ke ajal se kheleñge

jo hashr bhī hogā dekheñge ab ham to mohabbat kar baiThe

jiine kā salīqa thā jin ko vo maut ke hāthoñ miT na sake

tadbīr pe jin kā bas na chalā qismat kī shikāyat kar baiThe

phūloñ kī jo rag-rag meñ hai ravāñ vo ḳhuun hai qalb-e-ḳhār meñ bhī

gul par ho agar ye raaz ayaañ kāñTe se mohabbat kar baiThe

tāroñ kī tarah raushan hī rahe vo sabza-o-gul ke dāman par

jo qatra-e-shabnam sūraj kī kirnoñ se baġhāvat kar baiThe

jab shama hansi to parwane masum shararat kar baiThe

nazuk sa jigar aur ye jurat shoale se mohabbat kar baiThe

allah re junun-e-KHud-gharzi aazad hue jab ahl-e-qafas

tamir-e-nasheman par qurban gulshan ki latafat kar baiThe

dekha jo unhen kuchh kah na sake kya jaaniye kya dil mein aaya

ashkon ke sahaare chupke se izhaar-e-mohabbat kar baiThe

rona to likha tha qismat mein han un se mile jab aai hansi

kambaKHt ye aansu bhi na thame tauhin-e-masarrat kar baiThe

guzregi jo dil par jhelenge hans hans ke ajal se khelenge

jo hashr bhi hoga dekhenge ab hum to mohabbat kar baiThe

jine ka saliqa tha jin ko wo maut ke hathon miT na sake

tadbir pe jin ka bas na chala qismat ki shikayat kar baiThe

phulon ki jo rag-rag mein hai rawan wo KHun hai qalb-e-KHar mein bhi

gul par ho agar ye raaz ayan kanTe se mohabbat kar baiThe

taron ki tarah raushan hi rahe wo sabza-o-gul ke daman par

jo qatra-e-shabnam suraj ki kirnon se baghawat kar baiThe