jab shuur-o-fikr ke lamhe gurezan ho gae

jab shu'ūr-o-fikr ke lamhe gurezāñ ho ga.e

ham bhī apne aap se dast-o-garebāñ ho ga.e

jin kā har chehra thā tafsīr-e-mizāj-e-kā.enāt

vo sanam-ḳhāne to yaaro kab ke vīrāñ ho ga.e

jab charāġh-e-'ilm-o-fan kī raushnī ghaTne lagī

ḳhaak se phir kuchh na.e chehre numāyāñ ho ga.e

vus'atoñ ke naam par itnī baḌhī haiñ vahshateñ

kal ke dāman aaj ke hāthoñ garebāñ ho ga.e

ai chaman vaalo yahāñ do-chār das kā zikr kyā

jaane kitne āshiyāñ nazr-e-gulistāñ ho ga.e

jab shu'ur-o-fikr ke lamhe gurezan ho gae

hum bhi apne aap se dast-o-gareban ho gae

jin ka har chehra tha tafsir-e-mizaj-e-kaenat

wo sanam-KHane to yaro kab ke viran ho gae

jab charagh-e-'ilm-o-fan ki raushni ghaTne lagi

KHak se phir kuchh nae chehre numayan ho gae

wus'aton ke nam par itni baDhi hain wahshaten

kal ke daman aaj ke hathon gareban ho gae

ai chaman walo yahan do-chaar das ka zikr kya

jaane kitne aashiyan nazr-e-gulistan ho gae