jab sud-o-ziyan ki fikr nahin phir sud-o-ziyan ka nam bhi kya

jab sūd-o-ziyāñ kī fikr nahīñ phir sūd-o-ziyāñ kā naam bhī kyā

ḳhauf-e-sitam-e-sayyād bhī kyoñ andesha-e-dāna-o-dām bhī kyā

kyā ilm thā bejā ḳhadshe bhī ham-rāh-e-havādis ā.eñge

TūTeñge jo dil par sadme to chheḌeñge hameñ auhām bhī kyā

paiġhām ab un ke aate haiñ tum bas meñ nahīñ dil bas meñ nahīñ

kyā tanz qayāmat-ḳhez hai ye vo bhejte haiñ paiġhām bhī kyā

afsāna-e-ishq sunā lekin us meñ kahīñ apnā naam na thā

ham miT ga.e duniyā se lekin baaqī nahīñ apnā naam bhī kyā

jis hausla-e-yak-gām se vo tai kar gayā ziist kī har manzil

chhin jā.egā 'fitrat' se āḳhir vo hausla-e-yak-gām bhī kyā

jab sud-o-ziyan ki fikr nahin phir sud-o-ziyan ka nam bhi kya

KHauf-e-sitam-e-sayyaad bhi kyon andesha-e-dana-o-dam bhi kya

kya ilm tha beja KHadshe bhi ham-rah-e-hawadis aaenge

TuTenge jo dil par sadme to chheDenge hamein auham bhi kya

paigham ab un ke aate hain tum bas mein nahin dil bas mein nahin

kya tanz qayamat-KHez hai ye wo bhejte hain paigham bhi kya

afsana-e-ishq suna lekin us mein kahin apna nam na tha

hum miT gae duniya se lekin baqi nahin apna nam bhi kya

jis hausla-e-yak-gam se wo tai kar gaya zist ki har manzil

chhin jaega 'fitrat' se aaKHir wo hausla-e-yak-gam bhi kya