jab tak ki tabiat se tabiat nahin milti

jab tak ki tabī'at se tabī'at nahīñ miltī

hoñ pyaar kī bāteñ bhī to lazzat nahīñ miltī

ārām ghaḌī-bhar kisī karvaT nahīñ miltā

rāhat kisī pahlū shab-e-furqat nahīñ miltī

jab tak vo khiñche baiThe haiñ dil un se rukā hai

jab tak nahīñ milte vo tabī'at nahīñ miltī

jiite haiñ to hotī hai un āñkhoñ se nadāmat

marte haiñ to us lab se ijāzat nahīñ miltī

is zohd pe nāzāñ na ho zāhid se ye kah do

tasbīh phirāne hī se jannat nahīñ miltī

kyā DhūñDhte haiñ gor-e-ġharībāñ meñ vo aa kar

kis Kushta-e-raftār kī turbat nahīñ miltī

kis tarah mire ghar vo 'hafīz' aa.eñ ki un ko

ġhairoñ kī mudārāt se fursat nahīñ miltī

jab tak ki tabi'at se tabi'at nahin milti

hon pyar ki baaten bhi to lazzat nahin milti

aaram ghaDi-bhar kisi karwaT nahin milta

rahat kisi pahlu shab-e-furqat nahin milti

jab tak wo khinche baiThe hain dil un se ruka hai

jab tak nahin milte wo tabi'at nahin milti

jite hain to hoti hai un aankhon se nadamat

marte hain to us lab se ijazat nahin milti

is zohd pe nazan na ho zahid se ye kah do

tasbih phirane hi se jannat nahin milti

kya DhunDhte hain gor-e-ghariban mein wo aa kar

kis Kushta-e-raftar ki turbat nahin milti

kis tarah mere ghar wo 'hafiz' aaen ki un ko

ghairon ki mudaraat se fursat nahin milti