jab tak nazar mein tum rahe nazzargi rahi

jab tak nazar meñ tum rahe nazzārgī rahī

nūr-e-nazar ye aañkh tumheñ tāktī rahī

ik zulm hai ki jiinā paḌā hai tire baġhair

zinda-dilī nahīñ hai to kyoñ zindagī rahī

masrūr kar gayā mujhe apnā banā ke vo

mujh ko tamām umr ajab be-ḳhudī rahī

us māh-rū kā apnī zabāñ se liyā thā naam

mere siyāh ghar meñ baḌī raushnī rahī

mamnūn maiñ rahā tire ikrām kā bahut

sar bhī jhukā rahā va nigah bhī jhakkī rahī

tere binā thā kaun mirī manzil-e-murād

ik baar maiñ jo bhaTkā to āvārgī rahī

ye marz hī thā aisā koī kartā kyā ilaaj

sab chārāgar the saath pa bechārgī rahī

jab tak chalā gayā na vo hadd-e-nazar se duur

tab tak mirī nigāh use dekhtī rahī

maiñ bhī ajiib justujū meñ mubtalā rahā

mil kar bhī ham se mujh ko na āsūdgī rahī

'sāgar' tire kalām meñ kuchh baat thī zarūr

jaane ke baa'd duniyā tujhe DhūñDhtī rahī

jab tak nazar mein tum rahe nazzargi rahi

nur-e-nazar ye aankh tumhein takti rahi

ek zulm hai ki jina paDa hai tere baghair

zinda-dili nahin hai to kyon zindagi rahi

masrur kar gaya mujhe apna bana ke wo

mujh ko tamam umr ajab be-KHudi rahi

us mah-ru ka apni zaban se liya tha nam

mere siyah ghar mein baDi raushni rahi

mamnun main raha tere ikram ka bahut

sar bhi jhuka raha wa nigah bhi jhakki rahi

tere bina tha kaun meri manzil-e-murad

ek bar main jo bhaTka to aawargi rahi

ye marz hi tha aisa koi karta kya ilaj

sab chaaragar the sath pa bechaargi rahi

jab tak chala gaya na wo hadd-e-nazar se dur

tab tak meri nigah use dekhti rahi

main bhi ajib justuju mein mubtala raha

mil kar bhi hum se mujh ko na aasudgi rahi

'sagar' tere kalam mein kuchh baat thi zarur

jaane ke ba'd duniya tujhe DhunDhti rahi