jab talak be-KHudi nahin hoti

jab talak be-ḳhudī nahīñ hotī

ishq meñ chāshnī nahīñ hotī

koshisheñ maiñ ne kiiñ bahut lekin

hādsoñ meñ kamī nahīñ hotī

jab se chhoḌā hai us ne saath mirā

dil ko rāhat kabhī nahīñ hotī

aap chāheñ to ruuTh sakte haiñ

ham se to be-ruḳhī nahīñ hotī

ham ne jaañ tak nisār kar Daalī

un ko ab bhī ḳhushī nahīñ hotī

jab na hoñ husn-e-yār kī bāteñ

shā.erī shā.erī nahīñ hotī

pahle hotī thiiñ baiTh kar bāteñ

ab mulāqāt bhī nahīñ hotī

un ke milne se 'dāġh' dil ko mire

ab to koī ḳhushī nahīñ hotī

jab talak be-KHudi nahin hoti

ishq mein chashni nahin hoti

koshishen main ne kin bahut lekin

hadson mein kami nahin hoti

jab se chhoDa hai us ne sath mera

dil ko rahat kabhi nahin hoti

aap chahen to ruTh sakte hain

hum se to be-ruKHi nahin hoti

hum ne jaan tak nisar kar Dali

un ko ab bhi KHushi nahin hoti

jab na hon husn-e-yar ki baaten

shaeri shaeri nahin hoti

pahle hoti thin baiTh kar baaten

ab mulaqat bhi nahin hoti

un ke milne se 'dagh' dil ko mere

ab to koi KHushi nahin hoti