jab talak raushni-e-fikr-o-nazar baqi hai

jab talak raushnī-e-fikr-o-nazar baaqī hai

tīrgī laakh ho imkān-e-sahar baaqī hai

kis ke jalvoñ kā ye āñkhoñ meñ asar baaqī hai

husn baaqī hai na ab husn-e-nazar baaqī hai

ye bhī ik mo.ajiza-e-josh-e-junūñ hai ki nahīñ

pā-shikasta huuñ magar 'azm-e-safar baaqī hai

ye bhī kyā nazm-e-jahāñ hai ki azal se ab tak

bas vahī silsila-e-shām-o-sahar baaqī hai

aaj yuuñ ābla-pāyān-e-junūñ guzre haiñ

ik charāġhāñ sā sar-e-rāh-guzar baaqī hai

maiñ ḳhizāñ-dīda-o-āvāra sahī phir bhī 'surūr'

mere naġhmoñ meñ bahāroñ kā asar baaqī hai

jab talak raushni-e-fikr-o-nazar baqi hai

tirgi lakh ho imkan-e-sahar baqi hai

kis ke jalwon ka ye aankhon mein asar baqi hai

husn baqi hai na ab husn-e-nazar baqi hai

ye bhi ek moajiza-e-josh-e-junun hai ki nahin

pa-shikasta hun magar 'azm-e-safar baqi hai

ye bhi kya nazm-e-jahan hai ki azal se ab tak

bas wahi silsila-e-sham-o-sahar baqi hai

aaj yun aabla-payan-e-junun guzre hain

ek charaghan sa sar-e-rah-guzar baqi hai

main KHizan-dida-o-awara sahi phir bhi 'surur'

mere naghmon mein bahaaron ka asar baqi hai