jab tere tasawwur se taslim ki shah pai

jab tere tasavvur se taslīm ki shah paa.ī

chup-chāp rahā shā.ir Dastī rahī tanhā.ī

sad-rang gulistāñ haiñ raqsāñ pas-e-manzar meñ

allāh re is gul kī ye anjuman-ārā.ī

shāyad tirī yādoñ se kuchh is kā ta'alluq hai

ik aag lagā baiThī ye duur kī shahnā.ī

ye ijz-e-hunar kab hai iz.hār-e-haqīqat hai

imkān se aage hai zarrāt kī pahnā.ī

shā.ir kī ibādat hai mahtāb ke mandir meñ

tere but-e-sīmīñ ke qadmoñ pe jabīñ-sā.ī

'qāzī' mire siine kī ye aag sulagtī sī

bhīgī huī rātoñ ne kuchh aur bhī bhaḌkā.ī

jab tere tasawwur se taslim ki shah pai

chup-chap raha shair Dasti rahi tanhai

sad-rang gulistan hain raqsan pas-e-manzar mein

allah re is gul ki ye anjuman-arai

shayad teri yaadon se kuchh is ka ta'alluq hai

ek aag laga baiThi ye dur ki shahnai

ye ijz-e-hunar kab hai izhaar-e-haqiqat hai

imkan se aage hai zarraat ki pahnai

shair ki ibaadat hai mahtab ke mandir mein

tere but-e-simin ke qadmon pe jabin-sai

'qazi' mere sine ki ye aag sulagti si

bhigi hui raaton ne kuchh aur bhi bhaDkai